Хүн гэдэг амьтан гурван нүдтэй байсан гэж эртний үлгэр, домогт гардаг. Мөнхийн мэлмий, далд буюу гурав дахь нүд, Шивагийн нүд, Ажна-чакра, мэргэн хараа, сүнсний орон зай, зүүд нойрны нүд гээд янз бүрээр нэрлэдэг ч манай гаригийн бүхий л ард түмэн нэг л юмны тухай өгүүлдэг бололтой. Бие биеэс алс хол орших тивүүдэд амьдардаг хүмүүс бүгд хий юманд итгэж ирсэн үү эсвэл үнэхээр хүн гурван нүдтэй байсан уу гэдгийг эрдэмтэд тодруулахаар шийджээ.

Ванга гурван нүдтэй байсан

Домогт Вангагийн ойр дотнын хумүүс “Түүний хоёр нүд хараагүй ч гурав дахь нүдээрээ далдыг хардаг. Ванга өөрөө мэдээлэл хаанаас ч юм шууд тархинд ирдэг, тэгээд хүний өнгөрсөн, одоо, ирээдүйг кино хальсан дээр мэт хардаг тухай ярьдаг байсан” гэж дурсчээ. Эртний Грек, Ромын гүн ухаантнууд гурав дахь бий, түүгээр Дээд хүчтэй холбогдон, далдыг харах чадвартай болдог гэж итгэдэг байв. Леонардо да Винчи хүний биеийн бүтцийг судлан, олон хүүрэнд задлан хийдэг байсан. Тэрээр “Хүний тархинд нүдтэй холбоотой онцгой бүсүүд бий. Тэдний нэг нь “эрүүл ухааны камер” буюу сүнс оршихуй. Энд л бурхантай харьцдаг” гэж үздэг байлаа. Энэтхэгчүүд далд нүдийг билэгдэж, хөмсөгний хооронд нүд зурдаг эсвэл цэг тавьдаг. Будда бурхныг хөшөө, барималд гурав дахь мэлмийг голдуу үнэт чулуугаар чимдэг билээ. Ингэхэд Египетийн Сфинкс ч гурван нүдтэй. Тэр бүү хэл амьтад хүртэл “илүү 200 сая жилийн настай, Шинэ Зеландын гаттер гүрвэлийн жижиг нүдний ухархайн нимгэн, тунгалаг хальсны цаана жинхэнэ нүд байдаг. Эртний чулуужсан олдворуудыг судалдаг эрдэмтэд мөхсөн хэвлээр явагчдын зулай дээр бас нэг нүд байсан хэмээн баталж байна.

Далд нүд мөнхийн хөдөлгөөнтэй

Анагаах ухааны сүүлийн үеийн олон судалгаа хүн гурван нүдтэй байсныг нотоллоо. Хоёр сартай үр хөврөлийн завсрын тархины бүсэд гурав дахь нүдний үлдэц нь нүдний болор болон фото рецепторууд, мэдрэлийн эсүүдтэйгээ оршдог. Гэвч дараа нь энэ нүдний хөгжил зогсож, эпифиз буюу боргоцой хэлбэрийн булчирхай болдог. Тэрээр тархины гүнд оршдог ба улаан хүрэн өнгөтэй, хагас граммаас ч бага жинтэй. Энэ булчирхай гайхалтай хөдөлгөөнтэй. Тэрээр яг нүд шиг эргэлдэж гэрэл мэдэрдэг. Хэвлээр явагчдын тийм эрхтэн цахилгаан соронзон долгион, хэт нам авиаг барьдаг. Харин хүний булчирхай маш чухал үүрэгтэй, тэрээр бие организмын биологийн цаг бөгөөд нойр ба сэрэх фазыг удирддаг. Хүн хэд наслах нь түүнээс хамаардаг. Эпифизийн ялгаруулдаг дааврууд бие организмын эсүүдийг залуужуулах үүрэгтэй. Эрдэмтдийн үзэж буйгаар эрт үед энэ эрхтэн дулаан мэдэрч, бас харанхуйд орон зайн баримжаа өгдөг байсан гэнэ.

Иогуудын гайхамшиг

Дорнын эртний мэргэд, гүн ухаантнууд гурав дахь нүдээр өнгөрсөн ба ирээдүйг харж, сансрын мэдээллийг хүлээн авч, бодол санааг зайнд дамжуулдаг гэж итгэдэг байв. Орчин үеийн эрдэмтэд хүний тархинаас телепати ба далдыг хардаг эрхтэн хайж, бараг олжээ. Оросын ШУ-ы биоанагаах ухаан ба радиоэлектроникийн Төвийн эрдэмтэд Энэтхэгт очин гоц хүмүүсийг судалжээ. Оросууд хүний нүдэнд үл үзэгдэх дулааны цацрагны зураг авдаг багаж бүтээснаа ашиглав. Йогуудыг бясалгаж байхад “ИРТИС” компьютерийн томографаар зураг автал гайхалтай үзэгдэл илэрчээ. Бясалгалын үед тэдний духан дээр “од” асч байв. Нүдний хооронд хэсэгхэн газар учиргүй халж, бараг л шатах шахан энерги ялгаруулах аж. Яг гурав дахь нүд шиг. Йогоор хичээллэдэг 40 хүнийг судлахад бүгд адилхан. Духан дээрх энэхүү одыг (ажна-чакра) ассаны дараа бүгд гүн нирванд автжээ. Эрдэмтдийн үзэж буйгаар энд ямар нэг цацраг ялгардаг эсвэл тэмдэглэн авч болох бодлон дүрс үүсдэг аж. Оросын экстрасенс Нинель Кулагина, Вадим Кузьменко нар нэгэн гайхамшигтай үзүүлбэр үзүүлж, эрдэмтдийг шоконд оруулав. Тэд гэрэл үл нэвтрэх дугтуйнд хийсэн фото хальсыг духандаа хүргээд, хүссэн дүрсээ буулгаж байлаа.

Оросын хааны титэм шидтэй

Нэн эртний үед хүний зулай дээр эсвэл тархины орой дээр нэмэлт нүд байсан гэнэ. Эртний египетчүүд, инкууд, майячууд, шумерууд мэргэж төлөгч болохыг хүссэн хүний дагзыг хөрөөдөж нүхэлдэг байсан. Ийм гавлын яс Копенгагений Үндэсний музейд бий. Сонирхуулахад Романовын удмын хаадын титэм дээрхи онолыг баталжээ. Оросын императорын титэм яг тархины хоёр бөмбөлгийг тэлэн, эпифизийг дээш татсан мэт хэлбэртэй. Дээд талын үнэт эрдэнийн чулуун чимэглэл зөвхөн гоёлын үүрэг гүйцэтгээгүй бололтой. Сансрын энерги үнэт чулууны талстыг дамжин зулай дээр чиглэсэн цацраг хэлбэрээр тусч, улмаар тархины гүнд нэвтрэн эпифазарын талстад (тархины элс хэмээх талстан бүтэц бүхий бичил минералан хуримтлал) очдог. Онолоор бол ийм талстууд дүрсийг тархиар дамжуулан нүдний торлогт мэдрэлийн импульс хэлбэрээр очно. Тэгэхээр титмийн үнэт чулуу гурав дахь нүдний болрын үүрэг гүйцэтгэдэг байх. Түүгээр гэрлийн эсвэл бусад цахилгаан соронзон болон цахилгаан соронзон бус долгионууд дамжин өнгөрч эцэст нь хүний толгойд гэнэтийн агуу бодол төрж, нээлт хийх юм байх.

source to sonin.mn