Намайг зүрх муутай жаахан хүүхэд байхад аав маань хэлэхдээ сүнс чөтгөр энэ тэр гэж байдаггүй юм гэж тайвшруулж билээ. Угийн нууцлаг далд ертөнцийг мэдэх хүсэлдээ автсаар яваад би янз бүрийн шашны номлолуудыг ихэд шимтэн уншиж, шри шри бясалгалд явж, далд ертөнцийн тухай ном сэтгүүл эргүүлж, тэр ч байтугай хүмүүсээр ийм зүйл их яриулж билээ. Гэвч миний бие энэ талаар хангалттай мэдээлэл авч чадсангүй. Яагаад зарим хүний сүнс газар дэлхийд хоргодож, Яагаад аглаг зэлүүд газарт осол болсон тэр газарт ижилхэн осол үргэлжлэн гарч, яагаад зарим хүн ирээдүйг тааварлан зөгнөж, яагаад зарим хүн гэнэт өөрчлөгдөн өөр хүн болж байгаа энэ бүхний учрыг нь олохын тулд ихэд хичээн хайж ирсэн хүсэл зоригыг минь бурхан тэнгэр анзаарчээ. Яг одоо надад Эмануэл Шведенбургийн тэнгэрийн орноор аялсан сүнсэн ертөнцийн цэгцтэй мэдээлэл бүхий ном байна. Тиймээ энэ номын чухал хэсгүүдийг хүмүүст байгаагаар нь хүргэж, магадгүй та бүхэн нөгөө ертөнцийн тухай мэдэх юм бол... Та бүхний нөгөө ертөнцийн талаарх бүдэг бадаг муухан мэдээлэл тодрон айх айдас багасч тэр ч байтугай харанхуйд гэрэлт чийдэн барьж яваа мэт тийм гайхалтай мэдрэмж, мэдрэх буйзаа. Энэхүү блогыг надад янзлан хийж өгсөн Ганхүү анд болон Өнөрөө, Шилдэг нарт маш их баярлалаа. Мэдлэггүй байдал хэзээд айдсыг дагуулна гэдэг билээ. Миний та бүхэнд бичиглэх зүйлд та бүхэн итгэж бас итгэхгүй байсан ч ялгаагүй энэ бүхэн угаасаа л байдаг билээ. Цаашдаа илүү тодорхой зүйл бичих учраас та бүхэн дараах зүйлийг сайтар тунгаан уншаарай.

1. Сүнсэн ертөнц оршин тогтноод зогсохгүй, тэнгэр бурхан энэ бүхнийг бүтээсэн. Эхийн хэвлийгээс газар дэлхийд төрсөн хэн бугай ч бүгд алга болохгүй мөнхөд амьдрахаар байдаг. Зарим хүмүүс -тэгээд мөнхөд амьдрахаар байсан бол шууд сүнс болохгүй нь яасан. хэмээн дур зоргоор хэлсэн байдаг. Аливаа зүйлд шат дараалал гэж бий. Жишээ нь эрвээхэй дээр жишээ татая. Эрвээхэй нь анхлаад өт хорхой болж төрөн дараа нь хүр хорхой болж эцэст нь дотроосоо тэлж задгай тэнгэрт нисэхээр далавчтай болж одоо л нэг эрвээхэй болдог. Бидний амтархан идэх дуртай жимс ч гэсэн ийм шат дарааллаар явж жимс болон боловсордог. Тэгэхээр юу юугүй амьдралын амтанд ороогүй юм байж шууд сүнс болно гэж үү?
2. Бидний бие үнэндээ хоёр хэсэг. Нэг нь махбодь бөгөөд нөгөө нь сүнсэн бие юм. Бидний бие махбод үнэндээ сүнсэн биеийг тэтгэх сав буюу сүнсэн биеийн хэрэглүүр болой.
3. Хүн дээд тэнгэрээс заяасан насаа элээвээс сүнс аяандаа бие махбодиосоо салан явдаг. Үүнийг газар дэлхий дээрх үхэл гэдэг ч сүнсэн дэлхийн хувьд шинэ төрөлт юм. Үхэж байгаа нь бие махбодь болохоос сүнсэн бие диваажинд очоод мөнх амьдардаг.
4. Амиа хорлоно гэдэг нь яавч сайныг авчирдаггүй. Бие махбодь үхэж байгаа болохоос биш өөрийгөө бүрэн устгасан зүйл биш юм. Өөрийгөө хороосон хүн диваажинд очиж чадахгүй газар дэлхийд хорогдон чөтгөр болон тэнүүчилдэг муу сүнс болно. Тэгж байгаад там руу явдаг.

Уншигч нар аа!

Дээрх дөрвөн төрлийн зарчим зүй тогтолыг мэргэн оюундаа эрэгцүүлэн тунгаан удахгүй бичигдэх дараа дараагийн сэдвүүдийг нухацтай уншина уу. Баярлалаа

Шведенбург хамгийн анх сүнсэн ертөнц рүү явахдаа дараах зүйлийг мэджээ. “Би өөрийн биеээсээ хүсэл зоригийн хамт гарч явсан. Би өөрийгөө таазан дээрээс харж байх үед миний бие үхсэн хүний биетэй ижилхэн байсан. Миний сүнсэн бие дээшээ дээвэр саадгүй нэвтлэн гарч билээ. Юуг ч эвдэлж сүйтгэлгүйгээр дээврээс 20-30 метрийн цаана орших хоосон орон зайнаас өөрийн биеээ хартал, миний хүзүү орны толгой руу дэндүү шахагдсан тул хүзүү маань эвгүй мурийсан байлаа. “Намайг эргэж иртэл хүзүү маань шахагдан амьсгал боогдчихвий” гэж бодох агшинд, би орон дээр эцрэн хэвтэж байлаа. Энэ нь миний махбодийн ухамсараас бус, миний сүнсэн хүсэл зоригоос хамааран хөдлөж байгаа юм. Сүнсэн хүн болох авваас бодол нь даруй хүч болой. Түүний дараа миний сүнсэн бие нь диваажингаас ирсэн хөтөч тэнгэрийн элчийг дагаж сүнсэн ертөнцийн хүссэн газарт орж очдог. Миний бие агшин зуур очихыг хүссэн газар руу хөөрч байлаа. Би бодох л юм бол аль хэдийн тэр газар очиж байлаа. Би зөвхөн диваажин төдйгүй там руу ч удаа дараа очсон. Намайг тамд очиход муу сүнснүүд намайг хорлож хөнөөх гэж оролдоно. Тиймээс хажууд байнгын хөтөч сүнс байгаад зогсохгүй намайг хамгаалах сүнс зайлшгүй дагалдана. Би ийм сайн хүмүүсийн хамгаалалтгүйгээр 27 жилийн турш өөрийн үүргийг гүйцэтгэж чадахааргүй байлаа.

Зиа энэ хүртэл овоо уншаад ирэв үү? хэ хэ за бидний сүнс ер нь ямар хэлбэр дүрстэй юм бол оо? Бид нар үнэндээ “Би” гэдэг ч “сүнсэн бие” – ээ биеээ хэлж байгаа юм. Тэгэхээр бидний бие махбод нь сүнсэн биеийн сав, хэрэглүүрээс хэтэрдэггүй. Хүмүүс бие организмаа амьдарч байна гэж боддог ч тэрхүүг амьдруулагч нь бидний бие махбодь дотор буй сүнсэн бие даруй болой. Хувцсаа тайлаад чармай нүцгэн боллоо ч, та бүхний дүр төрх хийгээд таван мэдрэхүй, бодол санаа ухамсар өөрчлөгддөг үү? үгүй ээ. Хувцастай үедээ ч тэр хувцсаа тайлсан ч мөнөөх адилхан “хүн ” хэвээр л байна. Энэ бодлоо арай ахиулан өөрийн өмсөж буй хувцсаа бие махбодь гээд бодоод үздээ. Бид бүхний бие бол өөрийн сүнсэн биеийн хувцас билээ. Тэрхүү хувцасыг тайллаа гээд миний бие өөрчлөгдөх үү? Үгүй яг ижилхэн. Та бүхний сүнсэн бие даруй та билээ. Тэгэхээр цохилох зүрх, нүүр царай, таван мэдрэхүй, нүд, ам, хөдлөх гар... энэ бүгд тэр хэвээрээ сүнсэн биед байдаг. Илүү чухал зүйл нь таны санах ой тогтоолть мэдрэмжь ухаан бодлын хүч, ухамсар, сэтгэлийн хат юм. Харин бие махбодь нь бодгаль тул сүнсэн биед дарамт болно Гэтэл сүнсэн бие материаллаг зүйл биш ээ!

Сүнсэн бие нь сүнсэн материалаас бүрдэнэ. Тэрхүү сүнсэн бие нь махбодиос илүү төгс билээ. Тархи толгой нь хэдэн дахин сайжирч, таван мэдрэхүй нь биемахбодьтой байхаас илүү нарийн мэдрэмжтэй болдог. Бие махбодио орхисон сүнсэн бие нь гайхамшигийг үзүүлдэг болой. Мөн цаг хугацаа, орон зайд хязгаарлагдахгүй. Сүнсэн биеийн хөдөлгөөн болон хурд нь гэрлийн хурдаас ч илүү, бодол санааны хурд юм. Тэгэхээр тэдний хувьд хэдэн сая бээрийн газар асуудалгүй байхнээ. Тэд хоорондоо бодлоор харилцдаг тул өмнө Монгол хүн тэнгэрт халин сүнсэн хүн болсоны дараа хаа холын Америк сүнсэн хүнтэй шууд харилцаад ойлголцоно. Энэ харилцааг “бодол  эргэцүүллийн яриа” гэх ба “телепаш” ч гэдэг.

За ямар байна даа! Асар олон зүйлийг нэг дор сонсож байгаа болохоор мэл гайхацгааж байна уу? Гэхдээ та бүхэн миний бичсэн бүх зүйлийг дуустал нь уншвал надад мөн Шведенбургт тэр ч байтугай таны урьд өмнө мэддэггүй байсан бурханд маш их талархаж энэ амьдралдаа баяр хөөрөөр бялхаж, төсөөлж барамгүй их урам зориг шинэ хүслийг тээн амьдрах болно. Тэгэхээр энэ блогынхоо илэрхийлэл өгүүлбэрээр энэ хэсгээ дуусгая. Санаатай ч, санамсаргүй бай та энэ блогыг олж уншсан л бол та үнэхээр азтай хүн юм.

Сайн байцгаана уу? та бүхэн амар мэнд түвшин аж төрж байна уу?  Би энэ амьдралаас хоёрдох ертөнцийг их хайж судалж явсан билээ. Ингээд та бүхэндээ сүнсэн ертөнцийн тухай үнэн бодит мэдээлэлийг энэ өдрөөс хойш хүртээж шуурхай бичиглэх болно. Итгэх эсэх нь таны эрх. Гэвч энэ бүхэн үнэний хувьд үнэн билээ. Юутай ч та энэ блогыг санаатай санаандгүй олсон л бол их хувь хишигтэй юмаа...

Эмануэл Шведенбург

Энэ хүн бол Шведийн суут эрдэмтэн билээ. Яагаад юуны түрүүнд энэ эрдэмтэний тухай бичиглэх болсон бэ? гэж үү? За тэгвэл би танд сайхан тайлбарлаж өгөе.

Эрхэм уншигч та ч хэлсэнд итгэхгүй хийсэнд хууртаж буй энэ нийгмийн давалгаан дунд Шведенбургийн тэнгэрийн орны аялалыг уншаад нэгийг бодож хоёрыг тунгаах биз ээ. Аливаа юмс хийгээд ертөнц зүй тогтол жам ёсоороо  бусдыг өөрөөсөө илүү үзэж хайрлах харилцаанд орших ёстой аж. Олон хүмүүс Диваажин там гэдгийг зөвхөн шашны үзэл бодол гэж андуу ойлгож сүсэгтэй хэн нэгэн үхсэн хойноо л очдог газар гэж бодоцгоож байсан. Там там л гэх юм ер хаана байх вэ? Тамтаггүй явбал там чинь тэр буй за хэмээн Монголын их соён гийгүүлэгч ноён хутагт Д.Равжаагийн сургааль нэгийг бодогдуулна. Бид нар зөвхөн үхэх гэж амьдардаг гэж үү? Хүн амьдралдаа ямар нэгэн зүйлийг хийж бүтээж мөн үр удамдаа сайн сайхнаа өвлүүлэхийн тулд өөдрөг сайн руу тэмүүлдэг. Үхээд дуусдаг хүний амьдрал гэвэл яасан ч яахав ёстой л жинхэнэ толгойгоороо хөл хийж хөлөөрөө толгой хийж дураараа дургиж дунд чөмгөөрөө жиргэж болох ч энэ нь хүнлэг ёсонд бил үү? Энэ юуг өгүүлнэ вэ? Үхлийн дараах амьдрал нь миний бусдад зориулсан хайрын үр дүн юм гэдгийг амьдралын дараах нууцаас ойлгож авна гэдэгт итгэж байна. Та бид гурван шатны амьдралыг туулдаг гэж эртний мэргэд хэлсэн байдаг.                                    

Бид аль эхийн хэвлийд байсан усан орчин тэндээс бүрэлдэн гарч төрөөд одоо эрүүл саруул амьдарч байна. Хэрвээ ураг эхийн хэвлийд байхдаа ээж нь янз бүрийн үед идэж уух... зэргээс шалтгаалан хүн аль нэгэн талаараа тахир дутуу болж энэ насны амьдралаа өнгөрөөх бус уу? Тэгвэл үхлийн дараах дэлхий яг үүнтэй адил гэнэм. Сайн үйлэнд буян заяа нүгэлт мууд үйлийн үр байдаг учраас хар цагааныг дэнс гарцаагүй гарч ирдэг ажээ.

За юуны түрүүнд та бүхэндээ анхааруулж хэлэхэд хязгааргүй уудам сүнсэн ертөнцөөр аялсан  Эмануэл Шведенбург-ийн бичсэн бодот амьдрал, нүдээр үзэж, чихээр сонссон баримтад хөнгөн хуумгай хандахгүй байхыг хүсье. Яагаад гэвэл та бүхний мөнхийн амьдралтай холбоотой гэдгийг гүнээ санаж сэтгэл юугаа шингээн хүмүүн таньд тэнгэрийн үнэнийг дуулгахыг зорьсон билээ.

Тэнгэр таныг ивээж явах болтугай.